प्रचण्डले लाजमर्दो राजनीति गरे : कमल थापा

२०७७ चैत्र ९, सोमबार प्रकाशित (३ साल अघि) २४०८ पाठक संख्या

राष्ट्रिय प्रजातन्त्र पार्टी (राप्रपा) अध्यक्ष कमल थापाले हालै नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले प्रधानमन्त्री केपी शर्मा ओलीप्रति गरेको टिप्पणीप्रति आश्चर्य व्यक्त गरेका छन् ।

प्रचण्डले ओलीलाई ‘वर्षौदेखि विदेशीबाट पालित पोषित एजेन्ट’ भनेकोमा अध्यक्ष थापाले आश्चर्य व्यक्त गरे ।

सामाजिक सञ्जाल ट्विटरमा लेख्दै नेता थापाले ‘विदेश एजेन्ट’ भनेपछि पनि सरकारलाई दिएको समर्थन कायम राख्नुलाई लाजमर्दाे राजनीति भनेका छन् ।

थापाले लेखेका छन्, ‘२ पटक प्रधानमन्त्री भइसकेका प्रचण्डजीले केही दिनअघिसम्म एउटै पार्टीमा रहेका अध्यक्ष र देशको प्रधानमन्त्री केपी शर्मा ओलीलाई ‘वर्षौदेखि विदेशीबाट पालित पोषित एजेन्ट’ भनि आरोप लगाएको सुन्दा आश्चर्य लागेको छ । यस्तो गम्भीर आरोप लगाउने तर सरकारलाई दिएको समर्थन कायम राख्ने ! लाजमर्दो राजनीति ।’