गोलरक्षक स्याल्भियो चम्किदा क्यामरुनको जित

२०७७ चैत्र १४, शनिबार प्रकाशित (३ साल अघि) १५०३ पाठक संख्या

नारायणगढको क्याम्पा चौरमा भएको खेलमा क्यामरुनले अभिषेक चर्च रजहरलाई टाइब्रेकरमा ४-१ ले पराजित गर्‍यो । क्यामरुनलाई जिताउन गोलरक्षक स्याल्भियोले टाइब्रेकरमा अभिषेक चर्चको ३ प्रहार विफल तुल्याए । उनले पहिलो, तेस्रो र चौथो प्रहार रोके । उनी खेलको म्यान अफ दि म्याच घोषित भए ।

त्यस अघि निर्धारित समयको खेल गोल रहित बराबरीमा सकिएको थियो । खेल अवधिभर क्यामरुनले अभिषेक चर्चलाई दबाबमा राखेको थियो । गोल गर्ने प्रसस्तै अवसर पाए पनि क्यामरुनको फिनिसिङ कमजोर देखियो ।

प्रतियोगिता अन्तर्गत भोलि (आइतबार) विभागीय टोली त्रिभुवन आर्मी क्लब र सुनौलो संगम युवा क्लब बुटवलबीच खेल हुनेछ । खेल दिउँसो ४ बजे नारायणगढस्थित क्याम्पा चौरमा हुनेछ । चितवन जिल्ला फुटबल संघको आयोजनामा जारी प्रतियोगितामा देशभरका १० टोली सहभागी छन्।