कोरोना संक्रमणबाट प्रहरीका असइको निधन

नवलपुर न्युज

२०७८ बैशाख ३०, बिहिबार प्रकाशित (३ साल अघि) १४२० पाठक संख्या

काठमाडौं । कोभिड १९ को संक्रमणबाट नेपाल प्रहरीका एक कर्मचारीको निधन भएको छ ।

महानगरीय अपराध महाशाखामा कार्यरत असई देवी पुरीको बिहीबार निधन भएको हो ।

वैशाख १८ बाट महाराजगञ्जस्थित प्रहरी अस्पतालमा उपचार गराइरहेका पुरीको बिहीबार विहान निधन भएको अपराध महाशाखाका एसएसपी चन्द्रकवेर खापुङले बताए ।

अपराध महाशाखामा आउनुअघि उनी गृह मन्त्रालयमा कार्यरत थिए। जनताको सेवा गर्ने क्रममा ठूलो संख्यामा प्रहरीहरु संक्रमित भएका छन् ।

महामारीको समयमा सुरक्षाकर्मीहरुको ज्यानको बाजी दिएर सेवामा खटिएका छन् ।