बृद्धाश्रममा एक दिन

२०७८ जेष्ठ १५, शनिबार प्रकाशित (३ साल अघि) १८४३ पाठक संख्या

एक दिन अचानक बृद्धाश्रमतिर मेरा पाइलाहरु मोडिए

मनमा अनेकन प्रश्नहरु गर्दै बृद्धाश्रम पुग्दा त्यहाँ जिउँदा देवताहरु भेटिए ।

ती यस्ता देवता थिए, जसको बेदना रोदना सुन्न र देख्न सक्थे….२

तर म यति निर्बल भएँ कि उनका रोदना सुन्न बाहेक अरु के पो गर्न सक्थे ।

एक बुढा बा सोध्छन् नानी तिम्रा कति बच्चा, श्रीमान् के गर्छन् ?

बाबाआमा त होलान् नि ती घरमा छन् कि बाहिर बस्छन् ?

उहाँको प्रश्न, प्रश्न मै सीमित गरे. फर्काइन उत्तर

सन्तानको प्यारमा जीवन वितायौ आखिर के पाइयो र ?

बुढीआमा भन्छिन् कृपया बृद्धाश्रममा कोही नआइदेउ

कोही आउँदा सन्तान आएझै लाग्छ, त्यो कपूत सन्तान नसम्झाइदेउ

अर्की आमा भन्छिन् मेरो छोराका दुई सन्तान छन् ।

उसले मलाई बृद्धा श्रममा बसाले पनि मेरा आशिष सधै उनीहरुको साथमा छ ।

यो बृद्ध अवस्था हो सन्तान भाग्छन् पर पर कोही हुँदैन साथमा

आफ्नो सुख सन्तानमा देख्नु त्यो जस्तो बेकार केही छैन संसारमा

सबैका सन्तान यस्ता नहोलान् बाबाआमा त पक्कै पनि साथमा होलान् ।

भोलि आफू पनि यही पिढी भोग्ने हो पक्कै हेक्का राखेका होलान् ।