भ्रष्टाचार विरुद्ध युवाहरुको भण्डाफोर अभियान

नवलपुर न्युज

२०७८ भाद्र २५, शुक्रबार प्रकाशित (३ साल अघि) ९८० पाठक संख्या

काठमाण्डौ । पर्सा स्थित पकाहाँ मैनपुर गाउँपालिकामा व्यापक मात्रामा भ्रष्टाचार भएको भन्दै युवा सञ्जालले भ्रष्टाचार विरुद्ध अभियान चलाएको छ ।

चरणवद्ध रुपमा गाउँपालिका विरुद्धको अभियान चलाइरहेका युवाहरुले पकाहाँमैनपुर गाउँपालिकाका अध्यक्ष विजय कुमार चौरसियाले विकासको नाममा भ्रष्टाचार गरेको आरोप लगाएका छन।

भ्रष्टाचार भण्डाफोर अभियान अन्तर्गत विहिवार भएको एक कार्यक्रममा नेकपा एमाले गाउँपालिका अध्यक्ष अकलेश शाहले , गाउँपालिकाबाट १० प्रतिशत विकासको कार्य पनि नभएको साथै गाउँपालिकाबाट निर्मित भौतिक भवनहरुमा कमसल सामानको प्रयोग भएको र प्रयोगमा नआउँदै चुइरहेको ै बताउनु भयो ।

त्यसैगरी गाउँपालिकालाइ प्रविधिमा लैजाने भन्दै गाउँपालिका अध्यक्ष विजय कुमार चौरसियाले ३५ लाख रकम निकासा गरेको तर अहिलेसँम नेट जडान नभएको पकाहामैनपुर गाउँपालिका वार्ड ४ का सदस्य अनिल शाले आरोप लगाउनु भएको थियो । यसैगरी चौरसियाले  गाउँपालिकाको वार्ड २ मा स्थित एक पोखरीबाट ८ लाख बराबरको माछा मारी रकम हिनामिना गरेको समेत युवाहरुले आरोप लगाएका छन् ।

उक्त भण्डाफोर अभियान अन्तर्गत उत्रिएका युवाहरुले गाउँपालिका अध्यक्ष चौरसियालाइ जेलमा पठाएपछि मात्र आन्दोलन स्थगित गर्ने बताएका छन । युवा सञ्जालको भ्रष्टाचार विरुद्धको अभियानमा पकाहाँमैनपुर गाउँपालिकाले केहि प्रतिकृया दिएको छैन ।