कावासोती नगरपालीकाले कोरोनाबाट मृत्यु भएका व्यक्तिका परिवारलाई ५० हजार रुपैयाँ दिने

नवलपुर न्युज

२०७८ आश्विन १९, मंगलबार प्रकाशित (३ साल अघि) १२४० पाठक संख्या

नवलपरासी पूर्व — कावासोती नगरपालिकाले कोरोना संक्रमणका कारण ज्यान गुमाएका परिवारलाई ५० हजार रुपैयाँ दिने भएको छ ।

कावासोती नगरपालिकाका उपमेयर प्रेमशंकर मर्दनियाले नगरपालिकाभित्र कोराना संक्रमणले ज्यान गुमाएका व्यक्तिका परिवारलाई सहयोगस्वरूप प्रतिपरिवार ५० हजार रुपैयाँ दिने निर्णय भएको जानकारी दिए । यो रकम दसैंअगाडि नै वितरण गरिने पनि उनले बताए ।

कावासोती नगरपालिकाभित्र गत १९ महिनाको अवधिमा ५५ जनाको कोरोना संक्रमणबाट ज्यान गएको छ ।