नेपाल बैँकर्स सङ्घ कर्णाली प्रदेश कार्यसमितिको संयोजकमा राजनप्रसाद पोख्रेल चयन

नवलपुर न्युज

२०७८ कार्तिक २१, आईतबार प्रकाशित (३ साल अघि) ११८७ पाठक संख्या

नेपाल बैँकर्स सङ्घ कर्णाली प्रदेश कार्य समितिको संयोजकमा राजन प्रसाद पोख्रेल चयन हुनुभएको छ । सोमबार बसेको सङ्घको बैठकले एन आई सी एसिया बैङ्क लि. प्रदेश कार्यालय सुर्खेत का प्रमुख राजन प्रसाद पोखरेलको संयोजकत्वमा ७ सदस्यीय नयाँ कार्य समिती चयन गरेको हो ।

बैठकले ग्लोबल आई एम ई बैङ्क लिई.मा कार्यरत विष्णु अर्याललाई उप–संयोजक र सिभिल बैङ्क  लिई. मा कार्यरत अभिजित श्रेष्ठलाई सचिवमा चयन गरेको छ । त्यसै गरी सदस्यहरूमा  सेन्चुरी कमर्सीयल बैङ्क लिई. मा कार्यरत धर्म राज श्रेष्ठ, मा कार्यरत विनय गौतम, कुमारी बैङ्क लिई. मा कार्यरत हिमाल मुडभरी र सानिमा बैङ्क लिई मा कार्यरत भोला राज पन्तलाई चयन गरेको छ ।

संयोजकका रुपमा चुनीनुभएका राजन प्रसाद पोखरेल १३ बर्षदेखि  बैँकिङ्ग क्षेत्रमा कार्यरत रहनु भएको छ । एन आई सी एसिया बैङ्क लि. कर्णाली प्रदेशको प्रमुख हुनुभन्दा पहिले उहाँ लुम्बिनी प्रदेश–प्रदेश कार्यालयको उप–प्रमुखको रुपमा कार्यरत हुनुहुन्थ्यो । नवनियुक्त संयोजक पोखरेलका अनुसार सङ्घले आगामी दिनहरूमा यस क्षेत्रमा वित्तीय साक्षरता र संस्थागत सामाजिक उत्तरदायित्व अन्तरगत स्वास्थ्य तथा शिक्षा क्षेत्र सँग सम्बन्धित  कार्यक्रमहरू ल्याइने जानकारी गराउनु भएको छ ।