नवलपुर कांग्रेसको उपसभापतिमा राना र घिमिरे विजयी

मध्यविन्दु नगरपालिकाका मेयरसमेत रहेका रानाले ७ सय ४८ मत प्राप्त गरे । उनका प्रतिद्वन्द्वी पूर्णसिंहले ५ सय ८२ मत प्राप्त गरे । अर्का उपसभापतिमा बालकृष्ण घिमिरे विजयी भएका छन् ।

पूर्वी नवलपरासीमा रामचन्द्र पौडेल, शशांक कोइराला र देउवानिकटका जिल्ला नेताहरुले गठबन्धन बनाएर उम्मेदवार तय गरेका थिए । पूर्वी नवलपरासीमा जिल्ला सभापतिमा महेन्द्रध्जव जिसी निर्विरोध निर्वाचित भइसकेका छन् ।

उपसभापति २, सचिव २ र सहसचिव २ सहित अन्य सदस्य र महासमिति सदस्यमा मतदान भएको हो । सचिवमा पत्रकार होमराज रानाभाट, महेन्द्र पोखरेल, सहसचिवमा उदय अर्याल र राजेश पौडेल विजयी भएका छन् ।