नवलपुरमा २ लाख ५४ हजार ६ सय १५ मतदाता, २९९ मतदान केन्द्र

नवलपुर न्युज

२०७८ चैत्र १४, सोमबार प्रकाशित (२ साल अघि) १२५५ पाठक संख्या

कावासोती  । निर्वाचन आयोगले अन्तिम मतदाता नामावली प्रकाशन गरेको छ ।

आगामी वैशाख ३० गते हुने स्थानीय तह निर्वाचनका लागि नवलपुरमा २ लाख ५४ हजार ६ सय १५ मतदाता रहेको निर्वाचन आयोगले जनाएको छ।

जसमा महिला मतदाताको सङ्ख्या १ लाख ३३ हजार पाँच सय ७३ जना रहेको छ भने १ लाख २१ हजार ३८ जना पुरुष मतदाता रहेका छन्।

सबैभन्दा थोरै मतदाता बौदीकाली गाउँपालिकामा ११ हजार ४ सय ९७ छन् भने धेरै मतदाता कावासोतीमा नगरपालिकामा ५५ हजार तीन सय ३० रहेका छन्।

१ हजार मतदाता बराबर एउटा मतदान केन्द्र कायम गरिएको छ। जिल्ला भरि ११३ मतदान स्थल र २ सय ९९ मतदान केन्द्र तोकिएको छ ।