मध्यविन्दुमा काँग्रेसको पार्टी कार्यालय उद्घाटन, नवप्रवेशीकालाई अबिर दोसल्लाले स्वागत

नवलपुर न्युज

२०७८ चैत्र १४, सोमबार प्रकाशित (२ साल अघि) ८३१ पाठक संख्या

चोरमारा । नवलपुरको मध्यबिन्दु नगरपालिकामा नेपाली कांग्रेसद्धारा १ नम्बर वडा कार्यालयको आज उद्घाटन गरेको छ ।

स्थानीय तह निर्वाचनलाई लक्षितगदै कांग्रेस नवलपुरले पालिका भित्रका सबै वडामा वडा कार्यालय खोल्ने कार्यक्रम अनुसार सोमबार पतवारीमा १ नम्बर वडा कार्यालयको उद्घाटन गरेको हो ।

नेपाली कांग्रेस मध्यबिन्दु वडा नं.१ का सभापति इन्द्र बहादुर खड्काको सभापतित्वमा सम्पन्न भएको कार्यक्रमका प्रमुख अतिथिमा नेपाली कांग्रेसका महासमिति सदस्य विष्णु कुमार कार्की रहनु भएको थियोे ।

भने अतिथिमा महाधिवेशन प्रतिनिधि शंकर तिवारी , जिल्ला कोषाध्यक्ष राजकुमार महतो , सहसचिव उदयराज अर्याल, गण्डकी प्रदेश प्रतिनिधि जगत बन्धु अर्याल , क्षेत्रीय सभापति जगत बहादुर कार्की, क्षेत्रिय सदस्य गुनाखर चापागाई, नगर सभापति दोमन भण्डारी , सचीव तिलक न्यौपाने लगायतका नेताहरुको सहभागिता रहेको थियो ।

उक्त कार्यक्रममा बाल्दै प्रमुख अतिथि बिष्णु कुमार कार्कीले मध्यबिन्दुमा जसरी पनी नेपाली कांग्रेसको नेतृत्व ल्याउनु पर्ने बताउनु भएको छ । उहाँले भन्नुभयो” अबको नेतृत्व नेपाली काँग्रेसको काँधमा आएकाले सबै मध्यबिन्दुवासिले आउदो चुनावमा नेपाली कांग्रेसको रुख चिन्हमा मतदान गरी विजयी गराई दिन सबै आम नागरिकलाई अनुरोध गर्नुभयो ।”

यस्तै सोहि कार्यक्रममा बोल्दै जिल्ला सहसचिव उदयराज आर्यालले सबैको चाहाना काङ्ग्रेसलाई कसरी सुदृढ बनाउने र आगामी आउदै गरेका निर्वाचनमा कसरी पहिलो पार्टी बनाउने भन्ने रहेको बताउनु भयो । आफुहरुको आन्तरिक चुनाव सकिएकाले अब आगामी तिनै तहको निर्वाचनमा काङ्ग्रेसलाई बहुमतका साथ विजयी गराउन तर्फ सबैले जोड दिनु पर्ने उहाँको भनाई थियो ।

यस्तै अतिथि तिलक न्यौपानेले नेपाली काँग्रेसका बारेमा कम्युनिष्टहरुले भ्रामक कुरा फैलाई रहेको भन्दै त्यस्ता झुठा कुरामा नलाग्न आम नागरिकमा अनुरोध गर्नु भएको छ । ‘चार वर्षमा कम्युनिष्ट नेतृत्वको सरकारले विकासका सवालमा सिन्को पनी नभाचेको बताउदै अबको निर्वाचनमा काँग्रेसको नेतृत्व आए मात्र सब सम्भव हुने धारण व्यक्त  गर्नुभयो ।

आयोजित कार्यक्रममा स्थानीय समाजसेवी ज्येष्ठ नागरिक सस्थापक सभापति पूर्णचन्द्र नेपाल , टीका राम भुसाल , बिष्णु काफ्ले , खेम प्रसाद पंगेनी, फेर बहादुर महतोलाई दोसल्ला उडाएर सम्मान गरिएको थियो । कार्यक्रममा सोही वडाबाट २३ जना नेता तथा कार्यकर्ता विभिन्न पार्टी परित्याग गरी नेपाली कांग्रेसमा प्रवेश गरेका थिए । उनीहरुलाई अबिर दोसल्लाले स्वागत तथा सम्मान गरि पार्टीमा प्रवेश गराएको छ ।