कुमारवर्ती माध्यमिक विद्यालयमा उत्साहजनक रुपमा मतदान जारी (फोटोफिचर)

नवलपुर न्युज

२०७९ बैशाख ३०, शुक्रबार प्रकाशित (२ साल अघि) ५७५ पाठक संख्या

चोरमारा । आज देशभरि स्थानीय तह निर्वाचन एकै चरणमा भैरहेको छ । सरकराले निर्धक्क भइ मतदान गर्न आम मतदाताहरुलाई अपिल गरेको छ । नवलपुमा पनि उत्साहजनक रुपमा मतदान सुरु भएको छ ।

नवलपुरका सबै मतदान केन्द्रमा बलियो सुरक्षा प्रवन्ध गरिएको छ । मतदाताहरुले आ–आफ्ना मतदान केन्द्रबाट मतदान गरिरहेका छन् । नवलपुरका सबै मतदान केन्द्रमा ठूलो लाईन देखिएको छ ।

त्यस्तै, कुमारवर्ती माध्यमिक विद्यालयको मतदान केन्द्रमा पनि उत्साहजनक रुपमा मतदाताहरुको सहभागिता देखिएको छ । बिहान ७ बजेदेखि शुरु भएको मतदाताहरुले मत खसाल्ने काम जारी राखेका छन् ।

मध्यविन्दु नगरपालिका वाड नम्बर: २ मा  कुल २ हजार  ९ सय  २९ मातदाता रहेको कुमारवर्ती माध्यमिक विद्यालयको मतदान केन्द्रमा बिहान ९:३० बजेसम्म २ सय ५५ मत खसिसकेको थियोे ।

नामावलीमा नाम भएका तर मतदाता परिचयपत्र नभएकाले आफ्ना परिचय खुल्ने नेपाली नागरिकता, जग्गाधनी प्रमाण पूर्जा, सवारी चालक अनुमति पत्रसमेत सक्कलै साथमा लिई मतदानस्थलमा आउन यसअघि नै आयोगले अपिल गरिसकेको छ ।