कावासोतीमा पन्ध्र दिने प्लम्बिङ्ग तालिम सकियो

नवलपुर न्युज

२०७९ भाद्र १६, बिहिबार प्रकाशित (२ साल अघि) ५६६ पाठक संख्या

कावासोती । नवलपरासी वर्दघाट सुस्ता पूर्व कावासोतीमा पन्ध्र दिने प्लम्बिङ्ग सम्बन्धि तालिम सकिएको छ । सिजी पोलिटेक्नीक र चौधरी फाउण्डेशनको संयूक्त आयोजनामा भदौ एक गतेबाट कालिगण्डकी प्राविधिक शिक्षालय कावासोतीमा सुरु भएको उक्त तालिममा कावासोतीका विभिन्न वडाका २३ जना यूवाहरुले तालिम लिएका थिए ।

बेरोजगार रहेका यूवाहरुलाई सिप प्रदान गर्ने र सिकेका सिपलाई व्यवहारमा उतार्न सहज गराउने उद्देश्यले तालिमको आयोजना गरिएको थियो । विहिवार नेपाली कांग्रेस नवलपुरका जिल्ला उपसभापति एवं मध्यविन्दु नगरपालिकाका पूर्व नगरप्रमुख चन्द्रबहादुर रानाको प्रमुख आतिथ्यतामा सो तालिममा सहभागिहरुलाई प्रमाण पत्र प्रदान गरिएको हो ।

आयोजित सिप मुलक तालिमको समापन कार्यक्रममा बोल्दै प्रमुख अतिथि रानाले यूवाहरुलाई सिप प्रदान गर्ने आयोजक चौधरी फाउण्डेशन र सिजी पोलिटेक्नीकललाई धन्यवाद ज्ञापन गर्दे सिकेको सिपलाई यूवाहरुले व्यवहारमा उतारेर केहि गर्न सक्नुपर्ने बताउनुभयो । उहाँले यो सिप देशका हेरक क्षेत्रमा र विदेशमा समेत महत्वपूर्ण रुपमा लिएको हुदा कोहि पनि बेरोजगार हुने अवस्था नरहने बताउनुभयो ।