मध्यविन्दुमा नगर स्तरीय जितिया झामटा गीत प्रतियोगिता हुने

नवलपुर न्युज

२०७९ भाद्र १७, शुक्रबार प्रकाशित (२ साल अघि) ५९१ पाठक संख्या

चोरमारा ।

नवलपुरको मध्यविन्दु नगरपालिकाले नगर स्तरीय जितिया झामटा गीत प्रतियोगिता गर्ने भएको छ ।

थारू समुदायको महान पर्व जितियाको अवसरमा यही भदौ २२ गते प्रतियोगिता गर्न लागेको हो । प्रतियोगि समूहले थारू भाषा ,कला , संस्कृति भेषभूषा आधारित रहेर आफ्नो प्रस्तुती ८ मिनेटमा गर्नुपर्ने छ । भने प्रतियोगि समूहमा बढीमा १६ जना मात्रै सहभागि हुन पाइनेछ ।
कार्यक्रम नगरपालिकाको सभाहलमा बिहान ९ ः ३० बजेबाट कार्यक्रम सुरु हुने बताईएको छ । प्रतियोगितामा प्रथम , द्वितीय , तृतीय र सान्त्वनालाई पुरस्कार र प्रमाणपत्रले सम्मान गर्ने छ ।

प्रतियोगितामा सहभागि हुनका लागि वडासँग समन्वय गरेर आउनु पर्ने नगर उपप्रमुख पूर्णकला चौधरीले बताउनु भएको छ ।