उद्वार गरीएका बालकहरुको अभिभावकहरुमा पुर्नमिलन

नवलपुर न्युज

२०७९ आश्विन १, शनिबार प्रकाशित (२ साल अघि) ६०९ पाठक संख्या

काठमाडौं । विगत २४ बर्ष देखि बालकहरुको क्षेत्रमा काम गर्दै आईरहेको साथसाथ “बालबालिका सँगसँगै” को पहलमा विगत चार महिना देखि बाध्यकारी तथा मानव बेचविखनको उच्च जोखिम मा रहेका १० जना नेपाली बालकहरुलाई भारतिय सामाजिक संस्था,भारतीय प्रहरी , बाल कल्याण समिती मुम्बई को समन्वयनमा बालकहरुको उद्दार गरीएको थियो ।

उद्दार गरि ल्याईको बालकहरुलाइ राष्ट्रिय बाल अधिकार परिषद, नेपाल प्रहरी ,जिल्ला प्रहरी कार्यालय पर्सा साथसाथ र अन्य संस्था लगायत सरोकारवाला निकायहरुको समन्वयनमा २०७९ भाद्र ३१ गते शुक्रवार परिवारमा पुर्नमिलन गराईएको थियो ।

पछिल्लो समय नेपालबाट विभिन्न बाहानामा बालबालिकाहरु ओसारपसार गरी भारत लगायत अन्य मुलुकहरुमा लैजाने क्रम बढेको साथै बालिका तथा महिलामात्रै बेचविखनमा पर्ने नभईकन बालकहरु पनि उच्च जोखिममा रहेको यस घटना बाट पुष्टि हुन्छ ।

स्बदेश फिर्ति गरी पुर्नमिलन गराएका १० जना बालहरु रौतहट, सुनसरी र मोरङ्ग जिल्लाका छन् । उद्वार गरी ल्याइएका बालकहरु ११ देखि १७ वर्ष उमेर समुहका रहेका छन् । बालकहरुको पारीवारिक पुर्नमिलन गराउने क्रममा राष्ट्रिय बाल अधिकार परिषदका देवि प्रसाद डोटेलले बालबालिकाहरुको विषेश हेरचाह गर्ने जिम्बेबार परिवारको रहेको जानकारी गराउनुभयोे ।

अहिले को यो बदलिदो परिस्थीतिमा मानब बेचबिखन मा महिला तथा बालिका मात्र नभई बालकहरु पनि उच्च जोखिम रहेको यो घटनाले पुष्टि गरेको साथसाथ कि रिर्सोस एक्जुकेटिभ कविता शाह ले बताउनु भयो । सो कार्यक्रममा मधेश प्रदेश राष्ट्यि बाल अधिकार परिषदका संयोजक संजिव महतोले, आफ्नो बालबालिका प्रति अभिभावकहरुनै चनाखो हुनु पर्नेमा जोड दिदै बालकहरुको अवस्थाहरुको फलोअप हुने बताउनु भयो ।

कार्यक्रममा विरगञ्ज महानगरपालिकाकी बाल कल्याण अधिकारी सावित्रि भण्डारी, महिला बालबालिका सेवा केन्द्र पर्साकी प्रहरी साहायक निरीक्षक नयनकला टमाटा , अधिवक्ता तथा अभियान्ता दिलिप कोइराला, अभियन्ता रसना ढकाल लगायतको उपस्थिती रहेको थियो ।