पहिरो खस्दा नारायणगढ-मुग्लिन सडक अवरुद्ध

नवलपुर न्युज

२०७९ आश्विन ८, शनिबार प्रकाशित (२ साल अघि) ५७२ पाठक संख्या

चितवन । गएराति १२ बजे भरतपुर महानगरपालिका-२९ केराबारी र १८ किलोमा लेदोसहितको पहिरो खसेको चितवन जिल्ला ट्राफिक प्रहरी कार्यालयले जनाएको छ। दुई ठाउँमा पहिरो खस्दा सडक पूर्ण रुपमा अवरुद्ध भएको छ।

सडक अवरुद्ध हुँदा कयौं यात्रु र सवारी साधन बाटोमै रोकिएका छन्। पहिरोको दुवैतिर लामो लाइन लागेको छ।

यो वर्ष मात्रै दर्जनौँ पटक पहिरो खस्दा सडक अवरुद्ध हुँदै आएको छ। वर्षायाम शुरु भएसँगै यो सडकमा पहिरो खस्न थालेको हो।

अहिले दुवैतर्फ सडक अवरुद्ध भएपछि जेसीभी प्रयोग गरेर पहिरो पन्छाउने काम भइरहेको जिल्ला ट्राफिक प्रहरी कार्यालयले जनाएको छ।