मध्यविन्दु १५ का वडा सदस्य चौधरीको निधन

नवलपुर न्युज

२०७९ आश्विन १५, शनिबार प्रकाशित (२ साल अघि) ४८७ पाठक संख्या

चोरमारा । मध्यविन्दु नगरपालिका वडा नम्बर १५ का निर्वाचित वडा सदस्य खड्क बहादुर चौधरीको आज बिहान निधन भएको छ । नेकपा एमालेका सक्रिय युवा खड्क बहादुर चौधरीको शनिबार बिहान निधन भएको हो ।

वडा तहको विकास निर्माणमा सक्रिय उनी नगरपालिका मार्फत जीर्ण रहेको सडक मर्मत कार्यमा खटिएकै क्रममा बिहीबार गिट्टी बोक्ने ट्रिपरले रुखको हाँगा भाच्चि खस्दा सोही हाँगाले लागेर गम्भीर घाईते भएका थिए । घाईते चौधरीको आज बिहान १० बजे उपचारको क्रममा भरतपुरमा निधन भएको हो ।

चौधरीको निधनले नगरपालिका परिवार स्तब्ध भएको मध्यविन्दु नगरपालिका नगरप्रमुख, भिमलाल अधिकारीले बताउनुभयो । दिवंगत चौधरीप्रति श्रद्धान्जली व्यक्त गर्दै उहाँले परिवारजन, आफन्त, वडा तथा नगरबासी, शुभेच्छुकहरुमा समवेदन व्यक्त गर्नुभएको छ ।