मध्यविन्दुमा दुई वटा भरुवा बन्दुक बरामद

नवलपुर न्युज

२०७९ आश्विन १७, सोमबार प्रकाशित (२ साल अघि) ६५३ पाठक संख्या

नवलपुर । प्रहरीले जिल्लाको अरुणखोला क्षेत्रबाट दुई वटा भरुवा बन्दुक बरामद गरेको छ । जिल्ला प्रहरीका अनुसार आइतबार राति गस्तीमा निस्केको प्रहरीले मध्यबिन्दु नगरपालिका वडा नम्बर १३ मैनाघाटको जंगलमा लुकाइराखिएको भरुवा बन्दुक बरामद गरेको हो ।

यहाँका जंगलमा चरा र बँदेल सिकार गर्न गाउँलेहरुले भरुवा बन्दुक लैजाने चलन छ । प्रहरीले दिएको जानकारीअनुसार बन्दुकसँगै ५० ग्राम त्यसमा लाग्ने बारुद पनि बरामद भएको छ । यहाँका घरघरमा भरुवा बन्दुक राख्ने चलन छ ।

मगर र थारु समुदायका घरघरमा जंगली जनावरको सिकार गर्न भरुवा बन्दुक राख्ने चलन छ ।