दाउन्नेमा पहिरो; पूर्व पश्चिम राजमार्ग एकतर्फी खुल्यो

नवलपुर न्युज

२०७९ आश्विन २१, शुक्रबार प्रकाशित (२ साल अघि) ७७१ पाठक संख्या

कावासोती । नवलपुरको विनयी त्रिवेणी गाउँपालिका –२, स्थित पुर्व पश्चिम राजमार्गको दाउन्नेमा पहिरो जाँदा अवरुद्ध भएको सडक एकतर्फी खुलेको छ ।

दाउन्नेमा साना पहिरो, लेदो तथा रुख ढलेर सडक बन्द भएको थियो । सडक एकतर्फी खुलेको र दुईतर्फी नै खुलाउने तयारी भइरहेको प्रहरीले जनाएको छ ।

सडक बन्द हुँदा दसैँको टीका लगाएर र टीका लगाउन जाने हजारौं यात्रु समस्यामा परेका छन् ।

देशका केहि राष्ट्रिय राजमार्ग र ग्रामीणसडक बन्द हुँदा यसपटकको दसैँमा धेरैले दुख पाएका छन् ।