कावासोती । ६७औँ प्रहरी दिवसको अवसरमा जिल्ला प्रहरी कार्यालय नवलपुरले रक्तदान कार्यक्रम गरेको छ ।
जिल्लामा रहेका अस्पतालहरुमा रगतको अभाव केही भए पनि कम गर्ने हेतुले रक्तदान कार्यक्रम राखिएको जिल्ला प्रहरी कार्यालयले जनाएको छ ।
जिल्ला प्रहरी कार्यालय नवलपुरको आयोजनामा भएको कार्यक्रममा नेपाल रेडक्रस उपशाखा कावासोती र ब्लड बैङ्क कावासोतीको प्राविधिक सहयोग रहेको थियो ।
रक्तदान कार्यक्रममा प्रहरी उपरीक्षक भुवनेश्वर तिवारी सहित १० जनाले रक्तदान गरेका थिए ।
उक्त कार्यक्रममा प्रमुख जिल्ला अधिकारी सुमन घिमिरेको प्रमुख आतिथ्यमामा कार्यक्रम भएको थियो ।
कार्यक्रममा जिल्ला प्रहरी कार्यालय प्रमुख भुवनेश्वर तिवारी , नेपाल रेडक्रस जिल्ला शाखा सभापति ऋषि कडेल , नेपाल रेडक्रस कावासोती उपशाखा सभापति बाबुराम कडेल , ब्लड बैङ्क संयोजक वेद प्रसाद न्यौपाने , ब्लड बैङ्क सचिव अमृता सिग्देल , नेपाल पत्रकार महासंघ नवलपुरका अध्यक्ष विरेन्द्र पराजुली लगायतको आतिथ्यमामा कार्यक्रम भएको थियो ।