प्रति तोला १४ सय रुपैयाँ बढ्यो सुनको मूल्य

नवलपुर न्युज

२०७९ कार्तिक २०, आईतबार प्रकाशित (२ साल अघि) ५०४ पाठक संख्या

सुन चाँदीको मूल्यमा आइतबार निकै ठूलो बढोत्तरी भएको छ ।

सुनको मूल्य आज प्रति तोला १४ सय रुपैयाँले बढेको हो । शुक्रबार सुनको मूल्य तोलामा एक सय घटेको थियो ।

योसँगै छापावाल सुनको मूल्य प्रतितोला ९४ हजार पाँच सय रुपैयाँ पुगेको छ । त्यस्तै तेजाबी सुनको मूल्य प्रतितोला ९४ हजार रुपैयाँ पुगेको छ ।

आइतबार चाँदीको मूल्य पनि बढेको छ । चाँदी प्रतितोला ५० रुपैयाँले बढेको हो । चाँदी आइतबार १२ सय ७५ रुपैयाँमा कारोबार भएको छ ।