नवलपुर क्षेत्र न: २ मा मतगणना सुरु

नवलपुर न्युज

२०७९ मंसिर ५, सोमबार प्रकाशित (२ साल अघि) १०८३ पाठक संख्या

कावासोती । नवलपुरको निर्वाचन क्षेत्र नं २ को मतगणना सुरु भएको छ । यहाँका निर्वाचन अधिकृत कमलराज पन्थीका अनुसार कावासोतीस्थित कुमारवर्ती क्याम्पस भवनमा मध्याह्न १२ बजेबाट गणना सुरु भएको हो ।

गणनास्थलमा ३ वटा कोठाका ६ ठाउँमा एकैपटक मतगणना सुरु भएको हो । क्षेत्र नं २ मा कूल मतदाता १ लाख २९ हजार २ सय ८० छन् । तीमध्ये ८५ हजार ३ सय ९९ मत खसेको हो ।

ढिलोमा बुधबार रातिसम्म यहाँको मतपरिणाम सार्वजनिक हुनसक्ने आकलन गरिएको छ । मतगणना हुने सदरमुकाम कावासोतीस्थित कुमारवर्ती क्याम्पसमा सुरक्षा व्यवस्था कडा पारिएको छ ।