नवलपरासीमा मोटरसाइकल दुर्घटना हुँदा एकको मृत्यु  

नवलपुर न्युज

२०७९ फागुन १४, आईतबार प्रकाशित (१ साल अघि) १२९५ पाठक संख्या

कावासोती । पश्चिम नवलपरासीमा मोटरसाइकल दुर्घटना हुँदा एकजनाको मृत्यु भएको छ ।

प्रतापपुर गाउँपालिका- ३ गिद्दाहा टोलमा लु.८६ प ३३३७ नम्बरको मोटरसाइकल शुक्रबार राति अनियन्त्रित भई दुर्घटना हुँदा चालकको मृत्यु भएको हो ।

मृत्यु हुनेमा सोही ठाउँ बस्ने २० वर्षीय करण चौधरीको मृत्यु भएको जिल्ला प्रहरी कार्यालय पश्चिम नवलपरासीले जनाएको छ ।

दुर्घटनामा गम्भीर घाइते भएका उनको शहीद स्मृति सामुदायिक अस्पताल चौपत्ता हुँदै लुम्बिनी सिटी अस्पताल बुटवलमा थप उपचारको क्रममा मृत्यु भएको प्रहरीले जनाएको छ ।