मध्यविन्दु महोत्सवमा आज ज्योती मगर आउँदै

नवलपुर न्युज

२०७९ फागुन २५, बिहिबार प्रकाशित (१ साल अघि) ९४५ पाठक संख्या

चोरमारा । नवलपुरको मध्यविन्दु – ७ चोरमारामा जारी ‘ प्रथम मध्यविन्दु महोत्सव ’ मा आज बिहिवार चर्चित लोकदोहोरी गायिका एवं मोडल ज्योति मगर उपस्थित हुने भएकी छिन ।

‘पिसाब लाग्यो’, ‘साँढे गोरु’, ‘जिम्मल बाऊकी छोरी’, ‘ढाडे बिरालो’,  ‘पिरतीमा दम छ’,लगायतका हिट गितहरु गाइसकेकी गायिका मगरको बेजोड प्रस्तुति रहने आयोजकले बताएको छ । मगरसँगै गायिका अनु चौधरी लगायत स्थानीय कलाकारहरुको समेत उपस्थिति रहने आयोजक संस्थाका महासचिव विशालजंग थापाले बताउनुभयो ।

घरेलु तथा साना उद्योग महासंघ मध्यविन्दु, चोरमारा युवा क्लव र लोहासेधारा युवा क्लवले संयुक्त रुपमा “मध्यविन्दु समृद्धिको मुख्य आधार, संस्कृति संरक्षण तथा पर्यटन विकासमा पुर्वाधार” भन्ने मुल नाराका साथ महोत्सवको आयोजना गरिएको हो ।