नवलपरासीमा मोटरसाइकल दुर्घटना हुँदा एक महिलाको मृत्यु  

नवलपुर न्युज

२०७९ चैत्र २५, शनिबार प्रकाशित (१ साल अघि) ४६९१ पाठक संख्या

कावासोती । पश्चिम नवलपरासीमा मोटरसाइकलको ठक्करबाट एक जनाको मृत्यु भएको छ ।

सुस्ता गाउँपालिका – ९ अठलैयापुलस्थित सडकमा लु.७६ प ३४११ नम्बरको मोटरसाइकले शुक्रबार राति ठक्कर दिदा पैदलयात्रीको मृत्यु भएको हो ।

मृत्यु हुनेको आजसम्म नाम, थर, वतन नखुलेकी अन्दाजी ५५ वर्षीया महिला रहेको जिल्ला प्रहरी कार्यालय पश्चिम नवलपरासीले जनाएको छ ।

ठक्करबाट गम्भीर घाइते भएकी उनको जिल्ला अस्पताल परासीमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार १ जनालाई थप उपचारको लागि भैरहवा मेडिकल कलेज रुपन्देही पठाइएको छ । मोटरसाइकल  चालकलाई प्रहरीले नियन्त्रणमा लिएको छ ।