कावासोतीका विद्यालय जेठ ३० सम्म बन्द गरिने

नवलपुर न्युज

२०८० जेष्ठ २७, शनिबार प्रकाशित (१ साल अघि) ६४५ पाठक संख्या

कावासोती । नवलपुरमा गर्मी कम नभए पछि कावासोती नगरपालिकाले नगरभित्रका सामुदायिक, संस्थागत विद्यालय र मन्टेश्वरीहरु थप ३ दिन बन्द गरेको छ ।

तापक्रम बढ्ने क्रम जारी नै रहेकाले कावासोती नगरपालिकाले नगर क्षेत्रभित्रका विद्यालयहरू जेठ ३० गते सम्म बन्द गर्ने निर्णय गरेको छ ।

अत्यधिक गर्मीका कारण नगरपालिकाको शिक्षा शाखाले यसअघि गत जेठ १९ गतेदेखि २६ गते शुक्रबारसम्म गर्मी बिदा दिएको थियो ।

शाखा प्रमुख क्षेत्रबहादुर भण्डारीका अनुसार अझ केही दिनसम्म तापक्रम बढ्दो अवस्थामै रहने देखिएकाले जेठ ३० गतेसम्म वर्षे बिदाबाट कट्टा हुने गरी गर्मी बिदा थप गरिएको हो ।