गैँडाकोट नदीमा बेपत्ता दुई युवाको शव भेटियो

नवलपुर न्युज

२०८० जेष्ठ २९, सोमबार प्रकाशित (१ साल अघि) २६२२ पाठक संख्या

कावासोती । गैंडाकोट स्थित कालीगण्डकी नदीमा नुहाउने क्रममा बेपत्ता भएका दुई जना युवाको शव फेला परेको छ ।

सनिवार दिउँसो १ बजे गैँडाकोट नगरपालिका वडा नं; ३ हर्दी केलादी स्थित कालीगण्डकी नदीमा पौडी खेल्न गएका दुई जना बेपत्ता भएको जिल्ला प्रहरी कार्यालय नवलपुरका सुचना अधिकारी सन्तोष पाठकले बताएका थिए ।

नदीमा डुवेर बेपत्ता भएका गैँडाकोट २ का २५ वर्षका रमेश चालिसे मृत अवस्थामा भेटिएका छन् । उनको शव घटना स्थल भन्दा ३ किलोमिटर तल गैँडाकोट नगरपालिका वडा नं; १ बृटिसक्याम्प नजिकै नदीमा फेला परेको प्रहरीले जनाएको छ ।

उनिसँगै बेपत्ता भएका चितवन रत्ननगरका २४ वर्षका सुरज सुवेदीको शव आइतबार नै फेला परेको थियोे ।