मध्यबिन्दु नगरपालिका तेक्वान्दो विकास समितिमा अर्जुन महतोको नेतृत्व

नवलपुर न्युज

२०८० श्रावण २८, आईतबार प्रकाशित (१ साल अघि) ९८० पाठक संख्या

मध्यविन्दु । नवलपुरको मध्यविन्दु नगरपालिकामा मध्यबिन्दु नगरपालिका तेक्वान्दो विकास समिति गठन गरिएको छ । तेक्वान्दो खेलप्रति सर्वसाधरणको रुची बढाउने तथा स्थानीय तहमा खेलको माध्यमबाट अनुशासीत र स्वच्छ जनशक्ति निर्माण गर्ने उदेश्यले समिति गठन गरिएको हो ।

नेपाल तेक्वान्दोसंघ नवलपुरका अध्यक्ष भूमिश्वर भूसाल ( राजु) को अध्यक्ष तथा मध्यबिन्दु नगरपालिका नगर खेलकुद विकास समितिका सदस्यसचिव हिमाल सिंह ठकुरीको प्रमुख आतिथ्यतामा भएको भेलाले अर्जुन महतोको अध्यक्षतामा ७ सदस्यीय कार्यसमिति गठन गरेको हो ।

नवगठित कार्यसमितिको उपाध्यक्षमा केशब वाग्ले, सचिवमा मिनराज महतो,कोषाध्यक्षमा लालमणि थारु र सदस्यहरुमा सुनमाया रानामगर, तारापति महतो, र आकृति थनेत रहनुभएको छ ।

जिल्लाका आठवटै पालिकाहरुमा तेक्वान्दो विकास समिति गठन गर्ने योजना रहेको नेपाल तेक्वान्दोसंघ नवलपुरले जनाएको छ ।