नारायणी पुलबाट हामफालेर एक पुरुष बेपत्ता

नवलपुर न्युज

२०८० श्रावण ३१, बुधबार प्रकाशित (१ साल अघि) ६१३८ पाठक संख्या

नवलपुर  – नारायणी नदीको पुलबाट हामफालेर एक युवक बेपत्ता भएका छन् ।

हिजो (मंगलबार) राती ८:२० बजे नारायणी पुलबाट नाम थर खुल्न नसकेको पुरुष नदीमा हामफालेको जिल्ला प्रहरी कार्यालय चितवनले जानकारी दिएको छ ।

नदीमा हामफालेको भनिएका पुरुषले पुलमा केहि सामान नछाडेको र पुलमा सिसि क्यामरा पनि नहुँदा पहिचान गर्न समस्या भएको प्रहरीले जनाएको छ ।

आफ्नो मान्छे बेपत्ता भएको भनि प्रहरीमा निवेदन पनि नपरेको वडा प्रहरी कार्यालय नारायणगढका प्रहरी निरीक्षक गोपाल पौडेलले बताए । नामथर वतन नखुलेको सेतो कपडा लगाएको अन्दाजी २६ वर्षको पुरुषले पुलबाट हामफालेको भनि ती महिलाले खबर गरेको पौडेलले बताए ।

अटोमा सवार महिलाले एक पुरुषले पुलबाट हामफालेको बताउनु भएको थियो । हामीले राती नै नदीको छेउछाउ हे¥यौँ, भेटिएन’, उनले भने, ‘पुलमा चप्पलसप्पल, व्याग केहि भेटिएन ।’

पुलमा सिसि क्यामरा नहुँदा हाम फाले नफालेको यकिन गर्न पनि समस्या भएको उनी बताउँछन् । ‘पुलमा एउटा क्यामरा मात्रै राखेर सबै देख्न सकिँदैन । भरतपुर र गैंडाकोटतर्फ पुलको मुखमा र पुलको बीचतिर पनि राख्यो भने बल्ल स्पष्ट देख्न सकिन्छ’, उनी भन्छन्, ‘म यहाँ आएदेखि पुलमा स्पष्ट देखिने सिसि क्यामरा छैन ।