नारायणगढ–बुटवल खण्डमा ढिलासुस्ती भएको भन्दै चक्काजाम

नवलपुर न्युज

२०८० भाद्र २०, बुधबार प्रकाशित (१ साल अघि) ५६९६ पाठक संख्या

गैंडाकोट । सडक निर्माणमा ढिलासुस्ती गरेको विरोधमा नवलपुरको गैंडाकोटमा बुधबार स्थानीयवासीले चक्काजाम गरेका छन् ।

नारायणगढ–बुटवल खण्डको सडक निर्माणमा चरम ढिलासुस्ती भएको भन्दै गैंडाकोटका समाजिक अगुवाइमा चक्काजाम गरिएको हो ।

सडक विस्तारमा भएको ढिलासुस्तीका कारण यात्रु र स्थानीयले दुःख पाएको भन्दै स्थानीय युवाहरु आन्दोलित भएका हुन् ।इलाका प्रहरी कार्यालय गैंडाकोट अगाडि युवाहरुले बाटोमा कुर्चीहरु राखेर सडक अवरुद्ध गरेका हुन् ।

छिटो काम गर्न दबाब दिनका लागि सडक अवरुद्ध गरिएको स्थानीयहरुले बताएका छन् । उनीहरुले बिहान ९ बजेदेखि चक्काजाम गरेका हुन् ।