मध्यविन्दुका पूर्वशिक्षक हिरालाल मृत फेला

नवलपुर न्युज

२०८० आश्विन १५, सोमबार प्रकाशित (१ साल अघि) ३६७४ पाठक संख्या

कोल्हुवा । गत बिहिवार घरमा कोही कसैलाई जानकारी नगराई आफुखुशी हिँडेका पुर्ब शिक्षक आईतबार मृत फेला परेका छन ।

नवलपुरको मध्यबिन्दु नगरपालिका – ४ घोम्पुरा स्थित अम्रेला बृज पार्कको पारिपट्टि शिरुघारीमा मृत अवस्थामा फेला परेका चौराहा निवासी पूर्वशिक्षक हिरालाल चौधरी भएको वडाअध्यक्ष रामभक्त अधिकारीले बताउनुभयो ।

गत असोज ११ गते बिहिवार कसैलाई जानकारी नगराई आफुखुशी घरबाट निस्किएका चौधरी साँझसम्म नफर्किएपछि परिवारले उनको खोजी थालेको थियो ।

आइतबार दिउँसो घाँस काट्न गएकी एक महिलाले मृत सरिर देखेपछि स्थानीयलाई खबर गरेकी थिइन् । स्थानीयले प्रहरीलाई खबर गरेपछि प्रहरी त्यहाँ पुगेको थियो ।

प्रहरीले उनलाई मृत अवस्थामा फेला पारेको थियो । मृतकको शव पोस्टमार्टमका लागि मध्यबिन्दु जिल्ला अस्पतालमा राखिएको प्रहरीले जनाएको छ । साथै घटनाका सम्बन्धमा प्रहरीले थप अनुसन्धान गरिरहेको छ ।