नवलपुरमा बस दुर्घटना: १४ जना यात्रु घाईते, १० जनालाई भरतपुर रिफर 

नवलपुर न्युज

२०८० आश्विन १६, मंगलबार प्रकाशित (१ साल अघि) ७३८० पाठक संख्या

कावासोती । नवलपुरको गैँडाकोटमा माइक्रो दुर्घटनामा परेको छ । नारायण्गढबाट बुटवल जाँदै गरेको ना १ ज ८८३४ नम्बरको वीङ्गर गैँडाकोट नगरपालिका वडा नं: १२ स्थित राजमार्गमा साँझ पौने ६ वजे दुर्घटनामा परेको जिल्ला प्रहरी कार्यालय नवलपुरले जनाएको छ ।

१५ जना यात्रु बोकेर बुटवलका लागि छुटेको माइक्रो आफै अनियन्त्रीत भै दुर्घटनामा परेको प्रहरी नायव उपरिक्षक वेद बहादुर पौडेलले जानकारी दिनुभयो ।

दुर्घटनामा परि १४ जना घाइते भएका छन् । घाइतेहरु मध्ये ४ जनाको गैँडाकोट नगर अस्पतालमा उपचार भैरहेको छ भने अन्य  १० जनालाई उपचारका लागि भरतपुर अस्पताल पठाइएको छ ।