नवलपरासीमा मोटरसाइकलको ठक्करबाट पैदलयात्रीको मृत्यु

नवलपुर न्युज

२०८० कार्तिक २, बिहिबार प्रकाशित (१ साल अघि) ४२६६ पाठक संख्या

परासी । पश्चिम नवलपरासी सरावल गाउँपालिका–१ सालबासमा हाल नम्बर नखुलेको मोटरसाइकलको ठक्करबाट पैदलयात्रीको मृत्यु भएको छ ।

सोही ठाउँ बस्ने ५२ वर्षीय गोविन्द भण्डारीको बुधबार बिहान मृत्यु भएको छ ।

ठक्करबाट गम्भीर घाइते भएका उनको लुम्बिनी सिटी अस्पताल बुटवलमा उपचारको क्रममा मृत्यु भएको जिल्ला प्रहरी कार्यलय नवलपरासीले जनाएको छ ।

दुर्घटनामा घाइते भएका मोटरसाइकल चालकको सोही अस्पतालमा उपचार भइरहेको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।