मध्यविन्दुको सेहरीमा भलिबल प्रतियोगिता सुरु, मध्यविन्दुको बिजयी सुरुवात

नवलपुर न्युज

२०८० कार्तिक २, बिहिबार प्रकाशित (१ साल अघि) १०७६ पाठक संख्या

कोल्हुवा । नवलपुरको मध्यविन्दु २ सेहरी स्थित जयसिद्ध बाबा युवा क्लवको आयोजनामा जिल्ला व्यापी वडास्तरीय पुरुष तथा महिला भलिबल प्रतियोगिता बुधबार एक भव्य समारोहका बिच समुद्घाटन भएको छ ।

विजया दसमी तथा शुभ दिपावलीको उपल्यक्षमा आयोजीत प्रतियोगीताको उत्घाटन नगर उपप्रमुख पुर्णकला चौधरीले उत्घाटन गर्नु भएको हो । समुद्घाटन कार्यक्रममा बोल्दै नगर उपप्रमुख चौधरीले नजिकिदै गरेको चाडवर्पको सुभकामना दिदै यस्ता खाल्को कार्यक्रम बेला बेला संञ्चालन गर्दा खेलाडिहरुको हौसला बढ्दै जाने बताउदै खेल क्षेत्रको विकासमा आफुहरु लागी परेको बताउनुभयो ।

राष्टका लागी खेलकुद स्वास्थको लागी खेलकुद भन्दै भलिवल प्रतियोगीता संगै विभिन्न मनोरञ्जनात्मक खेलकुद तथा सांस्कृतिक कार्यक्रम ४ गते सम्म संञ्चालनमा रहने  क्लवका अध्यक्ष शिखा थनेतले बताउनुभयो ।

त्यस्तै हिजो भएको महिला तर्फको पहिलो खेल मध्यविन्दु र देवचुली नगरपालीकाको टिम बिच प्रतिस्पर्धा भएको थियो । जसमा मध्यविन्दुको टिमले जित हातापारेको छ ।

प्रतियोगिता क्लवका अध्यक्ष शिखा थनेतको अध्यक्षतामा भएको खेलमा नगर उपप्रमुख पुर्णकला चौधरी प्रमुख अतिथी रहनु भएको थियो । भने विशेष अतिथीमा वडा नं २ वडा अध्यक्ष रामभक्त अधिकारी, नगर खेलकुद समितिका सदस्य सचिव हिमाल सिङ ठकुरी ,कोल्हुवा खानेपानीका कार्यवाहक अध्यक्ष सुवास नेपाल, विभिन्न संस्थाका पदाधिकारी, समाजसेवि, खेल प्रेमी स्थानीयहरुको उपस्थिति रहेको थियो ।