नवलपुरको होटलमा एक पुरुष मृत अवस्थामा फेला

नवलपुर न्युज

२०८० कार्तिक १६, बिहिबार प्रकाशित (१ साल अघि) ४९६१ पाठक संख्या

कावासोती । नवलपुरको विनयी त्रिवेणी गाउँपालिकामा एक पुरुष होटलमा सुतिरहेकै अवस्थामा मृत्यु भएको छ ।

बिनयी त्रिबेणी गाउँपालिका – ६ स्थित होटल ग्रिलेण्ड रेष्टुरेण्ट एण्ड लजमा कुकको काम गरी बस्ने सिन्धुली कमलामाई नगरपालिका – १४ रानीबास चन्दनपुर घर भएका ५२ वर्षीय पूर्ण बहादुर भुजेल सोही होटलको कोठामा बुधबार मृत अवस्थामा फेला परेको जिल्ला प्रहरी कार्यालय नवलपुरले जनाएको छ ।

भुजेल होटलको कोठा नं: १०९ मा मृत अवस्थामा भेटिएको प्रहरीले जनाएको हो । यस सम्बन्धमा प्रहरीले आवश्यक अनुसन्धान गरिरहेको  छ।