दाउन्ने सडक खण्डको यात्रा सधैं पिरलो

नवलपुर न्युज

२०८० चैत्र १७, शनिबार प्रकाशित (७ महिना अघि) ३३८ पाठक संख्या

नारायण शर्मा 

पूर्वी नवलपरासी —महेन्द्रराजमार्गको दाउन्ने खण्डको १४ किलोमिटर क्षेत्रमा सडक घाम लाग्दा धुलाम्ये र पानी पर्दा हिलाम्य हुँदा यात्रा कष्टपूर्ण हुने गरेको छ ।

राजमार्ग भत्काएर नबनाउँदा त्यहाँ ३ फिटसम्म धुलो हुन्छ । महेन्द्रराजमार्ग हुँदै ओहोरादोहोर गर्ने सवारीसाधनलाई दाउन्ने खण्डको १४ किलोमिटर सडक पार गर्न ३ घण्टा भन्दा बढी समय लाग्ने गरेको छ ।

राजमार्ग भत्काएर छोडेको र ग्राइभेल समेत नगरेका कारण यात्रा कष्टकर बनेको छ । त्यो खण्डमा ठेकेदार कम्पनीले पानी समेत नहालेका कारण धूलो उडेर दिउँसै राजमार्ग देखिन्न ।

महेन्द्रराजमार्ग अन्तरगतको बजार क्षेत्रमा ६ लेनको सडक र जंगल क्षेत्रमा ४ लेनको सडक निर्माण भइरहेको हो । दाउन्ने पहाडको १४ किलोमिटर क्षेत्रमा ३ लेनको सडक निर्माणको काम भइरहेको छ । दाउन्नेमा सामान्य वर्षाद हुँदा समेत राजमार्गको हिलोमा गाडी फसेर घण्टौ जाम हुने समस्या उस्तै छ ।