नवलपरासीमा ट्याक्टर दुर्घटनामा परी एक जनाको मृत्यु

नवलपुर न्युज

२०८१ बैशाख २९, शनिबार प्रकाशित (६ महिना अघि) १०७७ पाठक संख्या

कावासोती । पश्चिम नवलपरासीको सुस्तामा ट्याक्टर दुर्घटनामा परी एक जनाको ज्यान गएको छ । दुर्घटनामा एक जना घाइते भएका छन् ।

जिल्लाको सुस्ता गाउँपालिका – ३ बिगेटस्थित भित्री सडकखण्डमा कुडियाबाट रतनगन्जतर्फ जाँदै गरेको लु ३ त २८४ नम्बरको ट्याक्टर अनियन्त्रित भएर पल्टँदा सुस्ता गाउँपालिका – ५ का १३ वर्षका रोहित कंकरको मृत्यु भएको हो। टाउकोमा चोट लागेर गम्भीर घाइते भएका कंकरको उपचारका क्रममा जिल्ला अस्पताल परासीमा मृत्यु भएको प्रहरीले जनाएको छ।

दुर्घटनामा सुस्ता गाउँपालिका- ४ नर्सहीका बस्ने २१ वर्षका सुकई मल्लाह घाइते भएका छन् । घाइतेको भैरहवा मेडिकल कलेजमा उपचार भइरहेको छ । फाईल तस्बिर