नवलपुरमा पाटे बाघ मृत फेला

नवलपुर न्युज

२०८१ जेष्ठ ९, बुधबार प्रकाशित (६ महिना अघि) १७७० पाठक संख्या

कावासोती । नवलपुरमा पाटे बाघ मृत अवस्थामा फेला परेको छ । विनयीत्रिवेणी गाउँपालिका – २ विनयी खोलाको बगरमा बुधबार बाघ मृत अवस्थामा फेला परेको हो ।

डिभिजन वन कार्यालयका प्रमुख बसन्त केशव अधिकारीका अनुसार विनयी खोलामा पानी पिए लगत्तै अलि अगाडि बाघ ढलेको देखेपछि स्थानीयले खबर गरेका थिए ।

खबर पाएपछि डिभिजन वन कार्यालयका कर्मचारी प्रहरीको टोली सहित घटनास्थलमा पुग्दा बाघ मृतक फेला परेको कार्यालय प्रमुख अधिकारीले बताउनुभयो । अधिकारीका अनुसार बाघको पछिल्लो भागमा जंगली जनावरले टोकेको जस्तो चोट रहेको देखिएको छ ।

बाघ कसरी मर्‍यो यकिन भएको छैन । पोस्टमार्टमपछि कसरी मर्‍यो खुल्ने प्रहरीले जनाएको छ । पोथी प्रजातीको मृत बाघलाई बिहिबार पोस्टमार्टम गरिने डिभिजन वन कार्यालय नवलपुरले जनाएको छ।