मध्यविन्दुमा गोहीको आक्रमणबाट घाइते

नवलपुर न्युज

२०८१ जेष्ठ १५, मंगलबार प्रकाशित (६ महिना अघि) ७४४ पाठक संख्या

चोरमारा । मध्यविन्दुमा भैंसी चराउने क्रममा गोहीले आक्रमणबाट एक जना पुरुष घाईते भएका छन् ।

जिल्लाको मध्यविन्दु नगरपालिका वडा – ६ भण्डारा निवासी ४६ वर्षीय खोरबहादुर थारू घाईते भएका हुन् ।

जिल्ला प्रहरी कार्यालय नवलपुरका डिएसपी बेदबहादुर पौडेलका अनुसार मध्यविन्दु– ६ उल्टीखोलामा भैँसी चराउने क्रममा उनलाई अचानक गोहीले आक्रमण गरेको हो।

गोहीले आक्रमणबाट घाइते भएका थारूको दाहिने खुट्टा र शरीरको विभिन्न भागमा हल्लका चोट लागेको प्रहरीले जनाएको छ । थारूको मध्यविन्दु जिल्ला अस्पताल कावासोतीमा उपचार भइरहेको छ।