अरुणखोलामा मोटरसाइकल ठक्कर खाँदा एकजना घाइते

नवलपुर न्युज

२०८१ जेष्ठ १९, शनिबार प्रकाशित (५ महिना अघि) ११७९ पाठक संख्या

चोरमारा । अरुणखोलामा मोटरसाइकल एकआपसमा ठक्कर खाँदा एकजना घाइते भएका छन् ।

जिल्लाको मध्यविन्दु नगरपालिका ११ कुसुन्डेमा दुई वटा मोटरसाइकल एक आपसमा ठक्कर खाँदा १ जना घाइते भएको हो । अरु दुईजना सकुशल रहेका छन् ।

कुसुन्डे स्थित भित्रि सडकखण्डमा दुर्घटनामा परी लु २ प ४०८५ नम्बरको मोटरसाइकल पछाडि सवार कुसुन्डे निवासी ७४ बर्षीय हुमा दर्लामी घाइते भएको जिल्ला प्रहरी कार्यालय नवलपुरले जनाएको छ ।

ठक्करबाट घाइते हुनुभएको दर्लामीको सामान्य उपचार पश्चात् थप उपचारका लागि एलाईभ अस्पताल भरतपुर चितवन पठाइएको प्रहरीले जनाएको छ । दुर्घटनामा परेका दुवै मोटरसाइकल प्रहरीले नियन्त्रणमा लिई थप अनुसन्धान गरिरहेको छ ।