नवलपुरमा बिजुलीको पोलमा ठोकिँएका घाइतेको उपचारका क्रममा निधन

नवलपुर न्युज

२०८१ जेष्ठ २०, आईतबार प्रकाशित (५ महिना अघि) १९६६ पाठक संख्या

कावासोती । नवलपुरमा बिजुलीको पोलमा मोटरसाइकल ठोकिँदा गम्भीर घाइते हुनुभएका एक व्यक्तिको उपचारका क्रममा चितवनमा निधन भएको छ ।

हुप्सिकोट गाउँपालिका – १ जुगेपानी स्थित भित्री सडक खण्डमा १६ गते बुधबार राति ८:४५ बजे मोटरसाइकल आफैँ अनियन्त्रित भई बिजुलीको पोलमा ठक्कर खाँदा उहाँको मृत्यु भएको हो।

जुगेपानीबाट हसौरातर्फ जाँदै गरेको ग.प्र. ०४- ००१ प ७७२८ नम्बरको मोटरसाइकल दुर्घटनामा चालक हुप्सिकोट – १ जुगेपानीका ३८ वर्षीय दीपक रानाको आज बिहान भरतपुरमा उपचारको क्रममा मृत्यु भएको जिल्ला प्रहरी कार्यालय नवलपुरले जनाएको छ ।

ठक्करबाट घाइते भएका रानाको टाउको अनुहार र शरीरको विभिन्न भागमा गम्भीर रूपमा चोटपटक  लागेको थियो । उहाँलाई मध्यविन्दु जिल्ला अस्पताल डण्डामा सामान्य उपचार पश्चात थप उपचारको लागी गत बुधबार नै भरतपुर रिफर गरिएको थियोे ।