नवलपुरमा जीप र बस ठक्कर खाँदा ६ जना घाइते

नवलपुर न्युज

२०८१ अषाढ ११, सोमबार प्रकाशित (५ महिना अघि) ७४७ पाठक संख्या

कावासोती । नवलपुरको देवचुलीमा जिप र बस एकआपसमा ठक्कर खाँदा छ जना घाइते भएका छन् ।

देवचुली १६ रजहरको क्याम्पस चोक अगाडि गुडिरहेको बसलाई जिपले पछाडिबाट ठक्कर दिँदा ६ जना घाईते भएका हुन् ।

कावासोतीबाट चितवन तर्फ जाँदै गरेको बसमा सोही दिशा तर्फ जाँदै गरेको बोलेरो जिप बसको पछाडी ठोक्किदा दुर्घटना परी ६ जना घाईते भएका जिल्ला प्रहरी कार्यालय नवलपुरले जनाएको छ ।

प्रहरीका अनुसार घाईते हुनेहरुमा देवचुली १७ बस्ने धन माया सुनारी, प्रितिमाया सोमै, हरिमाया पुलामी, सुकमाया रेश्मी, निमा गुरुङ र मनकुमारी बाँचे रहेका छ्न । घाइतेहरुको देवचुली नगर अस्पतालमा उपचार भैरहेको प्रहरीले जनाएको छ ।