कावासोतीमा ट्रकको ठक्करबाट म्याजिक चालक गम्भीर घाइते

नवलपुर न्युज

२०८१ अषाढ २७, बुधबार प्रकाशित (४ महिना अघि) ६८५ पाठक संख्या

कावासोती । नवलपुरको कावासोतीमा ट्रकको ठक्करबाट म्याजिक चालक गम्भीर घाइते भएका छन् ।

जिल्ला प्रहरी कार्यालय नवलपुरका अनुसार हिजो साँझ कावासोती ८ थकाली चोकमा बा.प्र ०६–००१ क ००२७ नम्बरको ट्रक दक्षिणबाट उत्तरतर्फ क्रस गर्ने क्रममा ना १ ज ५८०५ नम्बरको म्याजिकलाई ठक्कर दिँदा म्याजिक चालक गैडाकोट – ५ निवासी लक्ष्मण विसी घाइते भएका हुन् ।

गम्भीर घाइते भएका विसीको मध्यविन्दु जिल्ला अस्पताल डण्डामा उपचार भईरहेको प्रहरीले जनाएको छ । प्रहरीले ट्रक र ट्रक चालकलाई नियन्त्रणमा लिएर थप अनुसन्धान गरिरहेको बताएको छ ।