नवलपुरमा सवारी दुर्घटना एकजनाको मृत्यु

नवलपुर न्युज

२०८१ आश्विन १३, आईतबार प्रकाशित (१ महिना अघि) ५३१ पाठक संख्या

गैँडाकोट । नवलपुरको गैँडाकोटमा भएको दुर्घटनामा एक वृद्धाको मृत्यु भएको छ ।

गैँडाकोट ५ स्थित कालिका चोक नजिक भित्रि सडक खण्डमा म्याजिकको ठक्करबाट एक वृद्धाको मृत्यु भएको हो ।

ना १ ज ३५५१ नम्बरको म्याजिकको ठक्करबाट गैँडाकोट ५ बस्ने ७४ वर्षिया लिलादेवी उपाध्याय पौडेलको मृत्यु भएको इलाका प्रहरी कार्यालय गैँडाकोटका प्रहरी निरीक्षक कमला नरालले जानकारी दिनुभयो ।

शनिबार साँझ करिब सवा ६ बजेको समयमा म्याजिकले ठक्कर दिएको थियो । उनलाई उपचारका लागि भरतपुर अस्पताल लगिएकोमा चिकित्सकले मृत घोषणा गरेका थिए ।