दाउन्नेमा एकतर्फी सडक सञ्चालन

नवलपुर न्युज

२०८१ आश्विन १९, शनिबार प्रकाशित (१ महिना अघि) ५४० पाठक संख्या

नवलपरासी –  पश्चिम नवलपरासीको दाउन्नेमा सडक भासिएर अवरुद्ध भएको सडक एकतर्फी सञ्चालनमा आएको छ । बर्दघाट नगरपालिका–४ दाउन्नेस्थित खोर्सानीखोलामा सड्क भासिएपछि सडकअवरुद्ध भएको थियो ।

सडकको मर्मतपछि केहीबेर अघिदेखि बाटो एकतर्फी सञ्चालनमा ल्याइएको जिल्ला प्रहरी कार्यालयका प्रहरी नायव उपरीक्षक एवम् सूचना अधिकारी रेशम बोहराले जानकारी दिनुभयो ।

उहाँले सडक मर्मत गरी आजै दुईतर्फी सञ्चालनमा ल्याउन गरी काम भइरहेको बताउनुभयो । तर सडक भासिने क्रम नरोकिएकाले तत्काल दुईतर्फी सञ्चालनमा समस्या भएको प्रमुख जिल्ला अधिकारी स्किम श्रेष्ठले बताउनुभयो ।