दिव्यपूरी खानेपानीको वार्षिक खर्च २ करोड ९ लाख बढि

नवलपुर न्युज

२०८१ आश्विन १९, शनिबार प्रकाशित (१ महिना अघि) ३०९ पाठक संख्या

बिबेक भण्डारी

देवचुली । दिव्यपुरी खानपानी तथा सरसफाई उपभोक्ता संस्थाले आफ्नो १६औँ साधारण सभा सम्पन्न गरेको छ । शनिवार एक कार्यक्रम आयोजना गरेर संस्थाको साधारण सभामा सम्पन्न गरेको छ । संस्थाले २ करोड ९ लाख ४० हजारको खर्च विवरण पेश गरेको छ ।

संस्थाले २०८०/०८१ मा मात्र ४३ लाख ३७ हजार २ सय ८२ आम्दानी गरेको जनाएको छ । आयोपजत कार्यक्रममा खानेपानी तथा ढल व्यवस्थापन विभागका उपमहानिर्देशक रामचन्द्र काफ्लेको प्रमुख अतिथ्यता रहेको थियो । कार्यक्रममा बोल्दै प्रमुख अतिथी काफ्लेले खानेपानी जनजनको दैनिक उपभोग्य पदार्थ रहेको भन्दै यसको सुरक्षित प्रयोग र स्वच्छ खानेपानी प्रकृयामा खानेपानी विभाग लेको बताउनुभयो ।

खानेपानीको चुहावट कम र भविष्यमा आउने खानेपानी अभावका लागि विभागले खानेपानी मातहतका संस्थाहरुमा चेतना तथा भविष्यका लागि खानेपानी संकलन योजना र उपायका विषयमा गम्भिर रहेको बताउनुभयो । कार्यक्रममा देवचुली नगरपालिकाका प्रमुख प्रशासकिय अधिकृत मुकुन्द शर्मा, खानेपानी तथा सरसफाई डिभिजन कार्यलय तनहुका डिभिजन प्रमुख शम्भुराज खनाल,संघिय खानेपानी आयोजना प्रमुख शेखर चन्द्र के.सी लगायतको उपस्थीत रहेको थियो ।

कार्यक्रममा बोल्दै अधिकाशंले खानेपानी आयोजनाको उचित व्यवस्थापन र भविष्यमा हुने खानेपानी संकटको विषयमा विशेष भुमिका खेल्नुपर्नेमा जोड दिएका थिए । तिल प्रसाद पाठकको अध्यक्षता रहेको कार्यक्रममा संस्थाको वार्षिक प्रगति प्रतिवेदन समेत प्रस्तुत गरिएको थियो । कार्यक्रमको सहजिकरण संस्थाका सचिव गोपालराज शर्मा लम्सालले गर्नुभएको थियो ।