नवलपुरमा गैँडासँग ठोक्किएर मोटरसाइकल, २ जना घाइते

नवलपुर न्युज

२०८१ आश्विन २३, बुधबार प्रकाशित (१ महिना अघि) ६२९ पाठक संख्या

कावासोती । नवलपुरको कावासोतीमा गैडासँग मोटरसाइकल ठक्कर खाँदा २ जना गम्भीर घाइते भएका छन् ।

पूर्व-पश्चिम राजमार्ग अन्तर्गत कावासोती नगरपालिका ८ खरकट्टा जंगलमा बुटवलबाट काठमाण्डौ जाँदै गरेको मोटरसाइकल बाटो क्रस गर्दै गरेको गैँडासँग ठोक्किएर दुर्घटना भएको हो ।

दुर्घटनामा दोलखा बैतेश्वर गाउँपालिका ४ का ३२ वर्षीय प्रदिप न्यौपाने र मोटरसाइकल चालक कृष्ण दहाल घाइते भएका छन् । दुबै जनाको मध्यबिन्दु जिल्ला अस्पताल डण्डामा उपचार भइरहेको जिल्ला प्रहरी कार्यालय नवलपुरले जनाएको छ । सामान्य अवस्थामा रहेको गैँडा भने जंगलतिर भागेको छ ।