नवलपुरमा बस र कार ठक्कर, ५ जना घाइते

नवलपुर न्युज

२०८१ आश्विन २५, शुक्रबार प्रकाशित (१ महिना अघि) १४२९ पाठक संख्या

कावासोती । नवलपुरको गैडाकोटमा सवारी दुर्घटना हुँदा पाँचजना घाइते भएका छन्।

गैंडाकोट नगरपालिका –  १० भैसाखोरीमा बस र कार एक आपसमा ठक्कर खाँदा ५ जना घाइते भएका हुन् ।

घाइतेहरुमा कावासोती १७ निवासी ७० वर्षीय प्रेम प्रसाद पराजुली, धादिङ जिल्लाको निलकण्ठ नगरपालिका २ निवासी ४१ वर्षीय गोप बहादुर थापा, उनकी श्रीमती ३७ वर्षीया सीता थापा, छोरी १० वर्षीया सन्धाया थापा, र गैडाकोट १५ निवासी ७५ वर्षीय चक्रपाणी खनाल रहेका प्रहरीले जनाएको छ ।

घाइतेहरुको पुरानो मेडिकल कलेज भरतपुर चितवनमा उपचार भइरहेको छ, जसमा ४ जनाको अवस्था गम्भीर रहेको छ । बस चालक पृथ्वीराम थनेतलाई प्रहरीले नियन्त्रणमा लिएको छ ।