मध्यविन्दु नगर अस्पतालमा दशैं पर्वको विदामा आकस्मिक स्वास्थ्योपचार सेवा

नवलपुर न्युज

२०८१ आश्विन ३०, बुधबार प्रकाशित (२ दिन अघि) २८८ पाठक संख्या

चोरमारा । नवलपुरको मध्यबिन्दु नगरपालिका वार्ड नं ७ चोरमारा स्थित मध्यविन्दु नगर अस्पतालमा यस वर्षको दशैं पर्वको विदामा करिब १५० बिरामीले आकस्मिक स्वास्थ्योपचार सेवा लिएका छन्।

अस्पतालका डाक्टर दिलिप सापकोटा अनुसार, यस वर्षको दशैंमा बिरामीहरूको संख्या अघिल्ला चाडपर्वहरूको तुलनामा बढि रहेको छ।

दशैंको विदा असोज २४ गतेदेखि २८ गतेसम्म पाँच दिनको भएको थियो। यस समयमा ज्वरो, डेङ्गु, कुकुरको टोकाइ, झाडापखाला, बान्ता, र ग्याष्ट्रिक समस्याका बिरामीहरूको संख्या उल्लेखनीय रूपमा बढेको छ।

डाक्टर सापकोटाले बताए अनुसार, अघिल्लो वर्षको साउन महिनादेखि अस्पतालमा २४ घण्टा सेवा र भर्ना सुविधा थपिएको छ, जसका कारण आकस्मिक सेवा आवश्यक पर्ने बिरामीहरूको संख्या वृद्धि भएको हो। विशेषगरी असोज महिना सुरु भएकोदेखि उपचारका लागि आउने बिरामीहरूको संख्यामा उल्लेखनीय वृद्धि भएको देखिएको छ।

डाक्टरले नागरिकलाई नियमित खानपान र घर सरसफाइमा विशेष ध्यान दिन सुझाव दिएका छन्, ताकि स्वास्थ्य समस्या कम गर्न सकियोस्। यसरी, मध्यविन्दु नगर अस्पतालले दशैंको विदामा पनि बिरामीहरूको स्वास्थ्य सेवामा योगदान पुर्याएको छ।