नवलपुरमा धारिलो हतियार प्रयोग गरेर एक जनाको हत्या, अनुसन्धान जारी

नवलपुर न्युज

२०८१ कार्तिक १०, शनिबार प्रकाशित (४ हफ्ता अघि) ७६७ पाठक संख्या

कावासोती । नवलपुरको देवचुली – ९ विशालटारमा धारिलो हतियार प्रयोग गरेर एक जनाको हत्या भएको छ।

२९ वर्षीय मिलन मानन्धरको हत्या ३० वर्षीय अर्जुन नेपालीले गरेको प्रहरीले जनाएको छ ।

मानन्धरलाई धारिलो हतियारले पेटमा चोट लागेकोले गम्भीर घाइते अवस्थामा भरतपुर अस्पतालमा उपचार गराइँदा मृत्यु भएको हो ।

हत्या पछि फरार भएका नेपालीलाई डण्डाबाट पक्राउ गरिएको छ, र उनी केही समय अघि भारतबाट फर्किएका थिए । घटनाबारे थप अनुसन्धान जारी रहेको प्रहरीले जानकारी दिएको छ ।