डण्डामा स्कुटी दुर्घटना : मध्यविन्दुका तीनजना घाइते

नवलपुर न्युज

२०८१ कार्तिक ११, आईतबार प्रकाशित (३ हफ्ता अघि) ३४९२ पाठक संख्या

डण्डा । नवलपुरको कावासोती नगरपालिकामा आइतबार बिहान दुईवटा स्कुटी एकआपसमा ठोकिँदा तीनजना घाइते भएका छन्।

कावासोती – १६ डण्डा स्थित पूर्व पश्‍चिम राजमार्गमा चोरमाराबाट डण्डा तर्फ आउदै गरेको गण्डकी प्रदेश ०४-००१ प ७७८५ नम्बरको स्कुटर र डण्डा देखी तिनघरे तर्फ जाँदै गरेको गण्डकी प्रदेश ०४-००१ प १६५६ नम्बरको स्कुटर एकआपसमा ठक्कर खाँदा दुर्घटना भएको हो ।

दुर्घटनामा परी मध्यविन्दु – १४ रातामाटा बस्ने २८ वर्षीय थमन सिंह सोमै , ३७ वर्षीय गुन्ज बहादुर सोती र मध्यविन्दु – २ निवासी १९ वर्षीय सलिना महतो घाइते भएको जिल्ला प्रहरी कार्यालय नवलपुरले जनाएको छ । घाइतेहरुको मध्यविन्दु जिल्ला अस्पताल डण्डामा उपचार भइरहेको प्रहरीले जनाएको छ ।